Ang sulatin na ito ay layunin na makatulong sa mga estudyante na naghahanap ng mga impormasyon tungkol sa mga iba’t-ibang aralin tulad ng Sanaysay at iba pang uri ng panitikan.

Ewan ko ba kung bakit, pero ‘pag dating sa paggawa ng Sanaysay, ako nalang ang laging hinahanapan ng mga kaklase ko at mga kasambahay ko. Ano ako? Library?Kaya para matigil na ang kanilang pangungulit sa akin, dito ko nalang nilagay sa blog na ito ang mga halimbawa ng sanaysay na aking mga nalikom. Meron akong mahabang sanaysay, maikling sanaysay, mga sanaysay ni Rizal, at marami pang iba.

Pero bago ang lahat… Ano ba ang ibig sabihin ng sanaysay?

Kahulugan ng sanaysay

Ayon sa Wikipedia, ang sanaysay ay…

isang maiksing komposisyon na kailimitang naglalaman ng personal na kuru-kuro ng may-akda.

Mga Halimbawa ng Sanaysay

Ang ating unang sulatin ay isinulat ni Aura, isang Pilipino na myembro ng komunidad ng Pinoy Penster.

Munting Alaala
Ni Aura

Naiisip mo ba ang mga nangyayari sa bawat araw, nagtataka lang ako sa mga tao sa tuwing pinagmamasdan ko sila mula sa aking kinalalagyan.
Sa dami ng kanilang mga ginagawa tila napakarami na nilang nalimutan mga bagay, mga pinalampas na pagkakataon o oras.

Bakit nga ba tila masyadong masalimuot ang buhay ng tao, kaylan ka pa bang huling umakyat ng bubong para matulog o para magpahangin, huling humiga sa isang mahabang bangko at tumingala lamang sa langit habang pinagmamasdan ang mga ulap, ang huling beses na naligo ka sa ulan o nagtampisaw sa baha, kaylan ka huling naupo sa tabi ng kalsada habang katabi ang iyong mga kaibigan. Kaylan kayo huling kumain ng mami sa kanto ng magkakasama, yung huling beses na dinalaw mo ang iyong elementary school o high school, kaylan ka ulit bumalik sa dati nyong tambayan at nagpalipas oras tulad ng dati nyong ginagawa, kaylan ka huling naglaro ng teks. Masyado na bang marami ang mga bagay na hindi mo na nagagawa pero ano nga nga ba ang pumipigil sa tao para magawa ang mga dati ay nagagawa nya?

Sa paglipas ng panahon naaalala mo pa ba ito o itinabi mo na rin tulad ng iyong mga laruan, kaylan mo pa ba huling hinawakan ang paborito mong laruan, o binasa ang mga secret notes sa likod ng mga school notebook mo, o tinignan ang mga matataas na grade na ibinigay sayo ng teacher mo, bakit ba hindi na pwede pang ulitin ang mga gawain na ito o bakit sa paglipas ng panahon ay unti-unti na ring nalilimutan ng tao ang mga simpleng bagay na ito na dati-rati ay labis na nagpapasaya sa tao?

Gaano nga ba kadaling limutin ang munting kasiyahan na ito? totoo nga bang habang tumatanda ang tao ay nawawala na rin ang kakayahan niyang maligayahan sa mga munting bagay. Gaano na nga ba kalaki ang mundong ginagalawan mo ngayon o pakiramdam mo lamang ay malaki ito. Nakalimutan na ba nga tao ang mga kaligayahang inihain sa kanila ng kalikasan, at lumikha sila ng maliliit na mundo sa gitna nang napakalaking mundong ito,.

Naniniwala lamang ako na ang mundo ang syang umiiwan sa kalikasan pero kaylan man ay hindi iiwan ng kalikasan ang mundo.

Marami pa akong ilalagay in the future. Kung gusto nyo pang makakuha ng mga halimbawa gamit ang email, ilagay nyo lang ang email nyo sa ibaba.

Enter your email address:

Delivered by FeedBurner

Pansamantala, kung meron pa kayong gustong hanapin, pwede nyong gamitin ang search form sa ibaba.